Sunnlab ASSunnlab ASSaman med SunnLab passar dei kommunale vassverka i Sunnfjord og Ytre Sogn godt på at drikkevatnet held seg innanfor grenseverdiane for godt drikkevatn. Men for brukarane er ikkje det alltid nok informasjon. For nye vaskemaskiner er det ofte krav om å kjenne til hardheita på vatnet, ølbryggarar treng å kjenne til visse parametrar for at ølet skal smake godt, tannlegar treng å vite fluorinnhaldet og akvaristar treng å kjenne til vassverdiane for å ha vatn som passar best mogleg til fiskane deira.
Vi har derfor laga ein tabell for dei ulike vassverka, slik at det skal vere lettast mogleg for brukarane å finne fram
(Scroll ned for å sjå tabellen).
Hardt vatn vil forringar vaskeeffekten til oppvaskmaskiner. Det hjelper ikkje å tilsetje meir oppvaskmiddel, vatnet må først bli blautt før vaskemiddelet skal fungere tilfredsstillande. Dersom vatnet er hardt sett det seg belegg på serviset og veggene i oppvaskmaskina. For å finne ut om oppvaskmaskina di må avkalkast med regenereringssalt, sjekkar du ut hardheita til vassverket ditt og samanliknar med instruksjonsboka til oppvaskmaskina.
For best mogleg sluttresultat ønskjer mange ølbryggarar å optimalisere vatnet dei brukar til ølproduksjonen for den typen øl dei vil lage.
I den samanhengen blir eit bryggeprogram brukt for å vite kva tilsetjast vatnet. Dette kan ein lese meir om i til dømes olbrygging.no
Naturleg nok er kvaliteten på vatnet viktig for at fisken skal trivast. Ved oppstart av akvarium er det derfor viktig å ha stabile og korrekte vassverdiar før ein slepp fisk oppi. Det er mange ting som må passast på. Akvaforum har ei grei oversikt over dei viktigaste punkta.
På same måte som landlevande dyr, har fisk særeigne krav for å trivast best mogleg. Dersom ein sjølv ikkje ønskjer å bruke tilsetjingsstoff for å endre vassverdiane i akvariet, kan det vere lurt å ha fisk som passar best til det vatnet vassverket leverer. Fisk som kjem frå elver og vassdrag trivst best i surt og blautt vatn, medan fisk frå innsjøar har det best i basisk vatn med høgare dH. Da kan ein bruke fiskebasen til Akvaforum til å finne den fisken som passar best for deg og ditt akvarium.
